पोखरा । स्याङ्जाको फेदीखोला गाउँपालिकास्थित जनआदर्श माविको ६५औँ वार्षिकोत्सव तथा अभिभावक दिवस सम्पन्न भएको छ ।
कार्यक्रम उद्घाटन गर्दै फेदीखोला गाउँपालिका अध्यक्ष घनश्याम सुवेदीले जनआदर्श स्कुललाई गाउँपालिकाकै उत्कृष्ट विद्यालय बनाउने बताएका छन् ।
उनले गुणस्तरीय शिक्षाका लागि गाउँपालिकाले सक्दो सहयोग गर्ने बताए ।
विद्यालय व्यवस्थापन समिति अध्यक्ष नारायण प्रसाद पौडेलको अध्यक्षतामा भएको कार्यक्रममा देऊकुमारी गुरुङ्ग, फेदीखोला ४ वडाध्यक्ष ख्यामनारायण पौडेल, मानवमिलन अन्तर्राष्ट्रिय महिला सचिव सावित्री पौडेल, भूपू विद्यार्थी मञ्चका अध्यक्ष रामचन्द्र पौडेललगायत सहभागी थिए ।
कार्यक्रममा प्रधानाध्यापक कलाधर तिमिल्सिनाले विद्यालयको शैक्षिक, भौतिक प्रतिवेदन र लेखापाल विष्णुप्रसाद शर्मा पौडेलले लेखा प्रतिवेदन पेश गरेका थिए । विद्यालयका सहायक प्रधानाध्यापक बालकृष्ण सुवेदी र शिक्षक खगिन्द्र प्रसाद सुवेदी कार्यक्रम सञ्चालन गरेका थिए ।
कार्यक्रममा पूर्वप्रधानाध्यापक सक्रिय अभिभावक, अक्षयकोषदाता तथा शिक्षक बालकृष्ण सुवेदी, पुण्यप्रसाद पौडेल, दुर्गादेवी सिंह शाही ठकुरी, राजकुमार जिटी र हेमराज शर्मा सुवेदी सम्मान गरिएको थियो ।
कार्यक्रममा हरिहर पराजुलीले एक लाख ११ हजार एक सय ११ रुपैयाँ, चन्द्रकान्त आचार्यले एक लाख रुपैयाँको अक्षयकोष स्थापना गरेका छन् । कार्यक्रममा विद्यार्थीले विभिन्न सांस्कृतिक प्रस्तुति तथा नाटक प्रस्तुत गरेका थिए ।
