पोखरा । पोखरा महानगरपालिका वडा नं ६ का वडासदस्य एवं पर्यटन व्यवसायी दीपेन्द्र पहारीले ज्येष्ठ नागरिकलाई लौरी वितरण गरेका छन् ।
पोखरा १८ सराङकोटका उनले ३२ जना ज्येष्ठ नागरिकलाई उनले लौरी वितरण गरेका हुन् ।
ज्येष्ठ नागरिकको महत्वपूर्ण सहारा लौरी भएकाले आफूले सहयोग गरेको वडासदस्य पहारीले बताए ।
उनले भने, ‘मैले जनप्रतिनिधिको हैसियतमा पाउने भत्ताले सहयोग गर्दै आएको छु, यसअघि पनि पोखरा-६ र १८ मा गरी तीन सय ३५ वटा लौरी वितरण गरिसकेको छु ।’
उनले थपे, ‘ज्येष्ठ नागरिकलाई सम्मान पनि हुने र उनीहरुको सहारा पनि लौरी नै हो, त्यही सोचेर सहयोग गरेँ ।’ यस्तो कार्य निरन्तर गर्दै जाने उनले बताए ।
सो कार्यक्रममा समाजसेवी जलन तिमिल्सिना, राम लामिछानेलगायत सहभागी थिए ।
