पोखरा । पूर्वराजा ज्ञानेन्द्र शाह गोरखा आउने भएका छन् । उनी गोरखनाथ, गोरखाकाली तथा मनकामना मन्दिरको दर्शन गर्न गोरखा आउन लागेको उनका संवाद सचिव डा. फणिराज पाठकले जानकारी दिए ।
उनी यसैसाता गोरखा आउने भनिए पनि सूचनामा दिन भने खुलाइएको छैन । पछिल्लो समय पूर्वराजाको चर्चा सडकदेखि सदनमा चलिरिहँदा राजावादीहरू पनि हौसिएका छन् ।
शाह लामो समय पोखरा बसेर केही दिन अघि मात्रै काठमाडौं फर्किएका हुन् । उनले फागुन ७ गते संवोधन गर्दै जनताले आफूलाई साथ दिनुपर्ने अभिव्यक्ति दिएका थिए ।
उनको अभिव्यक्तिले गणतन्त्रवादी रुष्ट भनेका छन् भने राजावादीहरु हौसिएका छन् ।
