पोखरा । अन्तर सामुदायिक मैत्रीपूर्ण ब्याडमिन्टन प्रतयोगितामा फणिन्द्रप्रसाद तिमिल्सिना र विशाल खड्काको जोडी प्रथम, प्रदीप श्रेष्ठ र विशाल बस्नेतको जोडी द्वितीय भएको छ ।
प्रतियोगितामा सामुदायिक सेवा केन्द्र एंव सामुदायिक प्रहरी सेवा कालिकाका हरिबहादुर बुढाथोकी र बिष्णुबहादुर अधिकारीको जोडी तेस्रो भएको छ ।
प्रथम हुनेलाई २० र द्वितीय हुनेलाई १५ हजार र तृतीय हुनेलाई चार हजार रुपैयाँ नगद पुरस्कार प्रदान गरिएको थियो ।
सामुदायिक सेवा केन्द्र एवं सामुदायिक प्रहरी सेवा पोखराको स्थापना दिवसको अवसरमा सामुदायिक सेवा केन्द्र एवं सामुदायिक प्रहरी सेवा पोखरा-१ बगरले आयोजना गरेको हो ।
प्रतियोगितामा जिल्ला प्रहरी कार्यालय कास्की, वडा प्रहरी कार्यालय बगर कास्की, सामुदायिक सेवा एवं सामुदायिक प्रहरी सेवा जिल्ला समन्वय समिति कास्की, पृथ्वीचोक, बैदाम, लेखनाथ, माटेपानी र कालिका बीच प्रतिस्पर्धा भएको थियो ।
