पोखरा । पोखरास्थित विभिन्न पाँच विद्यालय आवद्ध कलष्टरका शिक्षकहरुलाई विषयगत तालिम प्रदान गरिएको छ ।
पोखरा महानगरपालिका वडा नं १२ स्थित पोखरा युनाइटेड एकेडेमीमा दुई दिनसम्म आयोजित तालिममा पाँच विद्यालयका एक सय ५० बढी शिक्षक सहभागी थिए ।
कलष्टरमा पोखरा युनाइटेड एकेडेमीसहित पोखरा एकेडेमी, स्टेप बाई स्टेप स्कुल, पोखरा पब्लिक र पश्चिमाञ्चल मावि आवद्ध छ ।
यी विद्यालयमा प्राध्यापनरत विज्ञान, गणित, नेपाली, अंग्रेजी र सामाजिक विषयका शिक्षकलाई विषयगत तालिम प्रदान गरिएको हो ।
शिक्षकहरुलाई पाठ्यक्र विकास केन्द्र सानोठिमी भक्तपुरका विज्ञान विषयविज्ञ लभदेव भट्ट, गणितका डा. श्यामप्रसाद आचार्य, सामाजिकका कमलप्रसाद मिश्र, नेपालीका रजनी धिमाल, र अग्रेजीका नवीनकुमार खड्काले सहजीकरण गरेका थिए ।
कार्यक्रम पश्चिमाञ्चल स्कुलका प्रधानाध्यापक विनु कुँवरको अध्यक्षतामा भएको थियो ।
