पोखरा । पोखराको भण्डारढिकमा शुक्रबार मोटरसाइकल टिप्परमा ठोक्किँदा चालकको ज्यान गएको छ ।
मृत्यु हुनेमा उदयपुरको कटारी नगरपालिका वडा नं १ का ३१ वर्षीय भीमबहादुर विक छन् ।
दुर्घटनामा गम्भीर घाइते भएका विकको पोखरा स्वास्थ्य विज्ञान प्रतिष्ठानमा उपचारका क्रममा ज्यान गएको प्रहरीले जनाएको छ ।
तनहुँबाट पोखरा आउने क्रममा ग१०प ४९९२ नम्बरको विक सवार मोटरसाइकल भण्डारढिकमा सडक छेउमा रोकेर रोकिराखेको ग१क ४२०४ नम्बरको टिपरको पछाडि ठोक्किएर दुर्घटना भएको प्रहरीले जनाएको छ ।
टिपर चालकलाई नियन्त्रणमा दिइर दुर्घटनाबारे अनुसन्धान भइरहेको प्रहरीले जनाएको छ ।
