पोखरा । गण्डकी प्रदेशको राजधानी पोखरामा आज बिहानैदेखि वर्षा भइरहेको छ । मनसुनी वायुको प्रभावले वर्षा भएको मौसम पूर्वानुमान महाशाखाले जनाएको छ ।
पोखरामा अहिले बिहान १० बजेको तापक्रम २९ डिग्री सेल्सियस रहेको छ भने आज दिउँसो करिब ३ बजे बढीमा ३१ डिग्री पुग्ने प्रक्षेपण गरिएको छ । तापक्रम आज साँझ करिब ६ बजे २७ डिग्री पुग्ने प्रक्षेपण गरिएको छ ।
आज गण्डकी र बागमती प्रदेशलगायत देशको पहाडी भूभागको केही स्थानमा तथा बाँकी भूभागको थोरै स्थानमा मेघगर्जन/चट्याङसहित हल्कादेखि मध्यम वर्षाको सम्भावना छ ।
यस्तै गण्डकी, कोशी र बागमती प्रदेशका एक-दुई स्थानमा भारी वर्षाको पनि सम्भावना छ । देशका उच्च-पहाडी तथा हिमाली भूभागका थोरै स्थान हल्का वर्षा/हिमपातको सम्भावना छ ।
महाशाखाले आगामी २४ घण्टा नदीको जल सतह बढ्ने, गेग्रान बहाव, बाढी, पहिरो, भूक्षय जस्ता प्रकोप हुन सक्ने भएकोले जन स्वास्थ्य, कृषि, दैनिक जनजीवन, सडक तथा हवाई यातायातमा हुन सक्ने असुविधा, जोखिम वा क्षतिबाट बच्न आवश्यक सतर्कता अपनाउन हुन महाशाखाले अनुरोध गरेको छ ।
