काठमाडौं, साउन ११ – काठमाडौं जिल्लाको बुढानिलकण्ठ नगरपालिका–२ स्थित सिसीमिघाचौरबाट प्रहरीले जुवा खेलिरहेको अवस्थामा ७ जनालाई नगदसहित पक्राउ गरेको छ।
साउन १० गते राति ८:१० बजे प्रहरीले विशेष सूचनाको आधारमा छापा मार्दा तास खेलिरहेको अवस्थामा ५०,३२० रुपैयाँ नगदसहित जुवा खेलिरहेका ७ जना पक्राउ परेको जिल्ला प्रहरी परिसर, काठमाडौंले जनाएको छ।
पक्राउ परेका व्यक्तिहरूको विवरण यसप्रकार छः
१. बुढानिलकण्ठ–७ घर भई हाल बुढानिलकण्ठ–२ सिसीमिघाचौर बस्ने वर्ष ५५ का दिलिप मगर
२. बुढानिलकण्ठ–७ देवचा चोक बस्ने वर्ष ४५ का समिर तामाङ
३. बुढानिलकण्ठ–२ मुहानपोखरी बस्ने वर्ष ५८ का राम बहादुर पौडेल
४. बुढानिलकण्ठ–६ हात्तीगौडा बस्ने वर्ष ४० का रमेश महर्जन
५. बुढानिलकण्ठ–२ सिसीमिघाचौर बस्ने वर्ष ३९ का श्याम तामाङ
६. बुढानिलकण्ठ–२ मुहानपोखरी बस्ने वर्ष ३० का राम तामाङ
७. बुढानिलकण्ठ–२ मुहानपोखरी बस्ने वर्ष ४२ की सुनिता गुरुङ
पक्राउ परेका सबै व्यक्तिहरूलाई थप अनुसन्धानको लागि जिल्ला प्रहरी परिसर, काठमाडौंमा राखिएको र तिनमाथि सार्वजनिक अपराध सम्बन्धी मुद्दा दर्ता गरी आवश्यक कारबाही प्रक्रिया अघि बढाइएको जनाइएको छ।
जुवा तथा सट्टेबाजीजन्य कार्यहरूविरुद्ध प्रहरीको निगरानी र निगरानी बढाइने जनाइएको छ।
