अवैध आप्रवासीहरूमाथि अमेरिकाकाे कठोर नियमहरूलाई पछ्याउँदै बेलायतले पनि अवैध आप्रवासनलाई रोक्न नयाँ योजना ल्याइरहेको छ । नयाँ डिजिटल आईडी योजनाले बेलायतमा अवैध रूपमा काम गर्न र देशको सिमानालाई अझ सुरक्षित बनाउन गाह्रो बनाउने त्यहाँका प्रधानमन्त्री केयर स्टार्मरले बताएका छन् ।\
लेबर पार्टी लगायतका वामपन्थी दलहरूले अवैध आप्रवासनसँग सम्बन्धित चिन्ताहरूलाई सम्बोधन गर्नबाट बचिरहेको र आफ्नो पार्टीले यस मुद्दाको हरेक पक्षलाई सम्बोधन गर्नुपर्ने पनि स्टार्मरले बताए ।
नयाँ प्रस्ताव अन्तर्गत, बेलायतमा नयाँ काम सुरु गर्ने जो कोहीले पनि यो डिजिटल आइडी देखाउनुपर्नेछ । कन्जरभेटिभ नेता केमी बडेनोचले यसलाई हतास कदम भनेका छन् । यो योजनाले मानिसहरूलाई आफ्नो डेटा लुकाउन बाध्य पार्ने लिबरल डेमोक्रेटहरूको डर छ ।
डिजिटल आईडीले कसरी गर्नेछ काम ?
सरकारको डिजिटल आइडी योजनाले बेलायतमा बस्न र काम गर्ने अधिकार भएकाहरूको निगरानी सम्भव बनाउने बताइएको छ । यस अन्तर्गत नयाँ काम सुरु गर्ने वा घर भाडामा लिने जो कोहीले पनि आफ्नो फोनमा यो आइडी देखाउनुपर्नेछ ।
तर, यो प्रस्ताव कार्यान्वयन गर्न स्मार्टफोन वा राहदानी नभएका मानिसहरूलाई उनीहरूको अधिकारबाट वञ्चित नगरियोस् भनेर सुनिश्चित गर्न कानुन र व्यापक परामर्श आवश्यक पर्ने विश्लेषण गरिएको छ ।
