पोखरा ।
पोखरा सांगीतिक कलाकार संघ नेपालको आयोजनामा आइतबार पोखरामा सम्पन्न चौथो अन्तरविद्यालय ब्यान्ड प्रतियोगिताको उपाधि कास्की मोर्डनाइज्ड एकेडेमी ले जितेको छ ।
युवा प्रतिभालाई प्रोत्साहन गर्ने उद्देश्यले आयोजित प्रतियोगितामा गुरुकुल विद्यासदन द्वितीय र हिल पोइन्ट सेकेन्डरी स्कुल तृतीय भएका छन् ।
प्रतियोगितामा विधागततर्फ गुरुकुल विद्यासदनका गायक उत्कृष्ट गायक घोषित भए । कास्की मोर्डनाइज्ड एकेडेमी ‘ए’ का गिटारवादकले उत्कृष्ट गिटारिस्टको उपाधि जिते । प्रतिभा सेकेन्डरी स्कुल ‘ए’ का बेस गिटारवादक उत्कृष्ट बेसिस र ड्रमवादक उत्कृष्ट ड्रमर बने ।
पहिलो राउन्डबाट १० वटा विद्यालय फाइनलमा पुग्न सफल भएका थिए । फाइनलमा गण्डकी बोर्डिङ स्कुल, हिल पोइन्ट सेकेन्डरी स्कुल, कास्की मोर्डनाइज्ड एकेडेमी ‘ए’, कुमुदिनी होम्स र गुरुकुल विद्यासदन प्रतिस्पर्धामा उत्रेका थिए ।
यसैगरी ग्लोबल कलेजियट स्कुल, कास्की मोर्डनाइज्ड एकेडेमी ‘बी’, प्रतिभा सेकेन्डरी स्कुल ‘ए’, प्रतिभा सेकेन्डरी स्कुल ‘बी’ र कालिका सेकेन्डरी स्कुल पनि फाइनल चरणमा पुगेका थिए ।
आयोजक पोखरा सांगीतिक कलाकार संघ नेपालका अनुसार युवा संगीतकर्मीहरूको प्रस्तुतिले कार्यक्रमलाई भव्य बनाएको थियो । ‘हाम्रा चौथो अन्तरविद्यालय ब्यान्ड प्रतियोगिताका प्रतिभाशाली युवा संगीतकर्मीहरूलाई बधाई छ,’ आयोजकले भनेको छ, ‘तपाईंहरूको सांगीतिक अभिरुचि, ऊर्जा र संगीतप्रतिको मायाले मञ्चलाई अविस्मरणीय बनायो ।
