कास्की,
पोखरा प्राविधिक शिक्षालयको प्राविधिक सहयोग र पोखरा महानगरपालिका वडा नं–६ को आर्थिक सहयोगमा सञ्चालित दुई हप्ते बेकरी तालिम सम्पन्न गरेको छ । सो तालिम बिस जना लाई दिइएको थियो । वडा भित्रका गरीब तथा विपन्न परिवारलाई दिइएको हो ।
सोमबार तालिम सम्पन्न गर्दै कार्यक्रममा पोखरा महानगरपालिका वडा नं–६ का वडा अध्यक्ष विष्णु बहादुर भट्टराईले पछिल्लो समय नेपालमा गुणस्तरीय कच्चा पदार्थ नहुदाँ उत्पादित सामग्रीहरू पनि गुणस्तरीय हुन सकेको छैन । नेपालमा नै जनशक्तिको अभाव रहेका भन्दै तालिम पछि विदेश भन्दा नेपालमा नै केही गर्नुपर्छ । यस्ता तालिम प्राप्त जनशक्ति सँगसँगै भोलि गएर यस्तो जनशक्तिलाई काम गर्ने तथा रोजगारको वातावरण पनि महानगरले सिर्जना गर्नेछ । यस्ता कार्यले पोखरा महानगरपालिकाको विकासमा ठूलो सहयोग पुग्ने बताउनु भयो ।
कार्यक्रममा पोखरा प्राविधिक शिक्षालयका शिक्षालय प्रमुख हर्कलाल श्रेष्ठले तालिम फलदायी भएको भन्दै आगामी दिनमा पनि पोखरा महानगरपालिकामा यस्ता तालिमलाई निरन्तर दिनु पर्ने बताउनु भयो ।
कार्यक्रममा प्रशिक्षक साजन गुरुङले उद्यमी बन्नका लागि सीप र क्षमताको आवश्यक पर्ने भएकाले तालिममा सहभागीहरूलाई सिकेको सीपलाई व्यवहारमा समेत लागू गरे मात्र आफूले तालिम फलदायी भएको मान्ने बताउनु भयो ।
कार्यक्रममा प्रशिक्षार्थी कृष्टिना जलारीले कुनै पनि काम ठुलो सानो नहुने र आफूले सिकेको सीपलाई व्यवहारमा पनि उतार्ने र यस विषयमा अझ धेरै ज्ञान बटुलेर अगि बढ्ने बताउनु भयो ।
कार्यक्रममा अर्का प्रशिक्षार्थी प्रशान्त परियारले तालिम प्राप्त गरेपछि नेपालमा आफैँले केही गरेर पनि जिउन सकिने आत्मविश्वास बढेको बताउनु भयो ।
