कास्की, विश्व शान्ति तथा अध्यात्म विज्ञान समाजका अध्यक्ष एवम् विश्व योग गुरु आचार्य राजन शर्मा मङ्गलबार पोखरा आँउदै हुनुहुन्छ । नेपाललाई गुरु देश एवम् योग भूमि बनाउन शर्मा अहोरात्र खटिरहनु भएका शर्मा सोमबार पुम्दीभुम्दी शिव को मूर्ति दर्शन तथा प्रवचन राखिएको छ । शिव मूर्ति स्थापना गर्दा आचार्य ले महायज्ञ सञ्चालन गर्दा पाच लाख रुपैयाँ सहयोग गर्नु भएको थियो।
उहाँलाई स्वागत कार्यक्रममा संस्थाका पदाधिकारीहरू, सदस्य एवम् शुभचिन्तक हरु सहित उपस्थिति रहने शिव मूर्ति व्यवस्थापन समिति का अध्यक्ष चन्द्रकान्त बरालले जानकारी गराउनु भएको छ । कार्यक्रममा संस्थाका अध्यक्षलाई वैदिक मन्त्रोच्चारणसहित पञ्चकन्याद्वारा फूल माला अर्पण गरेर पञ्चेबाजा सहित स्वागत गर्ने समेत जानकारी दिनु भएको छ । साथै भोलि को कार्यक्रम पश्चात मृमी मा रहेको कालिगण्डकी ज्ञान विज्ञान प्रतिष्ठान मा प्रवचन तथा अवलोकन रहेको छ।
योग, ध्यान, आयुर्वेद प्राकृतिक चिकित्सा, वैदिक ज्ञान, उपनिषद एवम् ज्योतिष शास्त्र लगायतका व्यवहारिक ज्ञान मुलक तालिमद्वारा पाँच वर्षभित्र २०२५ भित्र नेपाललाई योग गुरु देश बनाउने संकल्पका साथ अघि बढिरहेका आचार्य शर्मा २१ दिने नेपाल भ्रमणमा आउनु भएको हो । आचार्य ले एक घर एक योगी बनाउने उदेश्य का साथ हिँड्नु भएको हो।
उक्त अवधिभर पोखरा,स्याङ्जा, नवलपरासी चितवन, सिन्धुपाल्चोक, काठमाडौं, कैलालीलगायत विभिन्न जिल्लामा उहाँको कार्यक्रम हुनेछ । हालसम्म विश्व शान्ति तथा अध्यात्म विज्ञान समाजबाट नेपालमा ७ सयभन्दा बढीले अन्तराष्ट्रिय स्तरको योग परीक्षा पास गरि निः शुल्क रुपमा जुम मार्फत तथा शिविर आयोजना गरि सर्वसाधारणलाई योग सिकाउँदै आइरहनुको छ ।
साथै प्रत्येक शनिबार बाल शिवर सञ्चालन गरि ३ हजार २ सयभन्दा बढी बालबालिकाहरुले प्रत्यक्ष लाभ लिदै पनि आएका छन् ।
