कास्की,
पोखरा महानगरपालिका वडा नम्बर ४ मा स्थानीय सरकार संचालन ऐन २०७४ विपरीत वडा सदस्यले कार्यबाहक अध्यक्षको जिम्मेवारी बहन गरेको भेटिएको छ।
नीतिप्रेस डट कमका प्रतिनिधि सोमबार दिउसो पोखरा महानगरपालिका वडा नम्बर ४ को कार्यालयमा पुग्दा वडा सदस्य बिष्णु माया परियारले स्थानीय सरकार संचालन ऐन २०७४ विपरीत कार्यबाहक अध्यक्षको जिम्मेवारी बहन गरेको भेटिएको हो ।
स्थानीय सरकार संचालन ऐन २०७४ ले वडाध्यक्ष कुनै काम बिशेषले बाहिर गएमा उनले चाहेको वडा सदस्यलाई लिखित रुपमा कार्यबाहक पद दिन सक्छन। त्यसको बोधार्थ भने सम्बन्धित पालिकाको कार्यालय , सम्बन्धित जिल्लाको जिल्ला प्रशासन कार्यालय र मालपोत कार्यालयमा दिनु पर्छ। तर वडासदस्य बिष्णु माया परियारले कार्यबाहक अध्यक्षको जिम्मेवारी पाएको पत्र नलिई दुई दिनदेखि भटाभट कार्यबाहक अध्यक्षको हैसियतले सहिछाप गरिरहेको भेटिइन्।
नीतिप्रेस डट कमका प्रतिनिधिले तपाइसंग कार्यबाहक अध्यक्षको जिम्मेवारी पाएको पत्र छ कि छैन भनेर सोध्दा भने उनी अकमक्कीइन। उनले आफ्नो कार्यवाहकको पत्र कहिले कर्मचारीसँग भएको त, कहिले घर भएको अनि कहिले कार्यवाहकको पत्र नै नभएको भनेर आफ्नो जवाफ फेर्दै गइन्। अन्त्यमा भने उनले आफुलाई वडाध्यक्ष देबकृष्ण पराजुलीले मौखिक रुपमा कार्यबाहक अध्यक्ष्को रुपमा काम गर्न भनेको र वडा सचिवले वडाध्यक्षको आदेश बमोजिम वडा सचिवले पत्र नबनाईदिएको गुनासो गरिन्।
वडा सदस्य परियारले कागज बिना सहिछाप गरेको बारे नीतिप्रेस डट कमले प्रश्न गरेपछि मंगलबार दिउसो वडा कार्यालय पुगेका वडाध्यक्ष देबकृष्ण पराजुलीले आफू पोखरा महानगरको बिसेषनगरसभा सम्बन्धि बैठकका कारण कार्यालयमा उपस्थित हुन् नसकेको बताए। कार्यबाहक पत्र नपाए पनि दुई दिनदेखि जनताको कागजपत्रमा वडा सस्य परियारले सहिछाप गरिरहेकी थिइन्। दोश्रो दिन कार्यालयमा पुगेका वडाध्यक्ष पराजुलीले काज दिएको पत्र माग्ने तपाइँ को हो भनेर नीतिप्रेस डट कमका प्रतिनिधिलाई धम्क्याए। उनले कसको आदेशले वडा कार्यालयको भिडियो खिचेको भनेर प्रश्न गरे भने सुचनाको हक सम्बन्धि ऐन अन्तरगत निबेदन दिए पछि मात्र आफ़ुल्वे ऐन अनुसार ७२ घण्टा पछि सुचना दिने बताए।
पोखरा महानगरपालिकाका मेयर धनराज आचर्य पोखरा ४ का वडाध्यक्ष देबकृष्ण पराजुलीले वडा सदस्यलाई दिएको बारे महानगरमा कुनै जानकारी नभएको बताए। उनले वडा सदस्यलाई कार्यबाहक दिंदा लिखित रुपमै कार्यबाहक दिनुपर्ने स्थानीय सरकार संचालन ऐनमा स्पष्ट ब्यबस्था रहेको स्मस्रण गराउदै वडा नम्बर ४ मा के भएको हो भन्ने बारेमा आबश्यक सोधखोज गरिने जानकारी दिए।
अनधिकृत व्यक्तिले सहिछाप गरेर प्रमाणित गरिएका डकुमेन्टमा प्रश्न उठेमा त्यसको जवाफदेहिता कसको रहने हो ? दुइ – दुई दिनसम्म पनि कार्यबाहकको जिम्मेवारी भएव्को पत्र वडा सदस्यलाई नदिएर वडाधय्क्ष पराजुलीले के गर्न खोजेका हुन्। स्थानीय प्रशासन र महानगरपालिकाले के कस्तो कारबाही गर्छ हामी उजागर गर्ने नै छौं।
