पोखरा । पोखरा चेम्बर अफ कमर्स कास्कीले सिमेन्टमा अस्वभाविक मूल्यवृद्धि भएको भन्दै फिर्ता लिन उत्पादन कम्पनीसँग माग गरेको छ ।
संस्थाका अध्यक्ष उमराज बास्तोलाले विज्ञप्ति प्रकाशित गरी सिमेन्टलगायतका निर्माण सामग्रीको अस्वभाविक रुपमा विना आधार गरिएको मूल्यवृद्धि फिर्ता लिन माग गरेका हुन् ।
विज्ञप्तिमा भनिएको छ, ‘केही दिनयता सिमेन्ट उत्पादकले सिमेन्टको मूल्य अस्वभाविक रुपमा बिना आधार वृद्धि गरेकाले यसको प्रत्यक्ष असर आम उपभोक्ता, हार्डवयर व्यवसायी र निर्माण व्यवसायीलाई परेको छ । ’
निर्माण कार्य तीव्रताका साथ अगाडि बढाउनुपर्ने बेलामा सिमेन्ट उत्पादको मनोमानी तबरको मूल्य वृद्धिले काम गर्ने वातावरण असहज भएको विज्ञप्तिमा उल्लेख गरिएको छ ।
साथै अस्वभाविक सिमेन्टको मूल्यवृद्धि नियन्त्रण गरेर निर्माण व्यवसायी र उपभोक्तालाई काम गर्ने सहज वातावरण मिलाउन सरकारसँग संस्थाले माग गरेको छ ।
विज्ञप्ति
