पाेखरा । नेपाली बजारमा सोमबार पनि सुनको मूल्य तोलामा एक सय रुपैयाँ घटेको छ ।
मूल्य घटेसँगै आज छापावाला सुनको भाउ एक लाख ५७ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।
सुन आइतबार एक लाख ५७ हजार एक सय रुपैयाँमा कारोबार भएको थियो । शुक्रबारको तुलनामा आइतबार पनि सुनको भाउ आठ सय रुपैयाँ घटेको थियो ।
पोखरा बजारमा आज सुन एक लाख ५७ हजार पाँच सय रुपैयाँमा कारोबार भइरहेको नेपाल सुनचाँदी रत्न तथा आभूषण व्यवसायी संघ कास्कीले जनाएको छ ।
यता चाँदीको मूल्य भने स्थिर छ । आइतबार तोलामा एक हजार आठ सय ६० रुपैयाँ कायम भएको चाँदीको मूल्य सोमबार पनि सोही कायम भएको हो ।
जसअनुसार पोखरामा चाँदीको मूल्य एक हजार आठ सय ९० रुपैयाँ कायम भएको संघले जनाएको छ ।
