तनहुँ । तनहुँमा आज बिहान मोटरसाइकल दुर्घटना हुँदा आमा-छोराको घटनास्थलमै ज्यान गएको छ ।
मृत्यु हुनेमा तनहुँ ऋषिङ गाउँपालिका वडा नं.६ चालिसे घर भई हाल व्यास नगरपालिका वडा नं. ५ पाटन बस्ने १९ वर्षीय सन्दीप आले र उनकी आमा ४० वर्षीय मधुमाया आले छन् ।
दमौलीबाट डुम्रेतर्फ जॉदै गरेको गण्डकी प्रदेश ०३-००१ प ०३१० नम्बरको मोटरसाइकल आज ८ः२० बजे पृथ्वीराजमार्गअन्तर्गत तनहुँको व्यास नगरपालिका वडा नं १२ बेलभञ्ज्याङस्थित सडकको कल्भर्टमा ठोक्किएर दुर्घटना भएको हो । माेटरसाइकल कल्भर्टमा ठाेक्किएर सडकमुनि पुगेकाे थियाे ।
हुस्सु लागेका कारण मोटरसाइकल अनियन्त्रित भई दुर्घटना भएको प्रहरीको अनुमान छ । उनीहरुको शव दमौली अस्पतालमा राखिएको छ ।
दुर्घटनाबारे थप अनुसन्धान भइरहेको तनहुँ प्रहरीका सूचना अधिकारी प्रहरी नायव उपरीक्षक अशोक थापाले जानकारी दिए ।
