पोखरा । भारतमा गएराति सवारी दुर्घटना हुँदा तीन नेपालीको ज्यान गएको छ भने सात जना घाइते भएका छन् ।
मृत्यु हुनेमा सप्तरीको कञ्चनरूप नगरपालिका वडा नं ७ का लीलावती चौधरी, परशुराम चौधरी र वडा नं ७ की हरिहरदेवी यादव छन् ।
उनीहरुको घटनास्थलमै मृत्यु भएको बताइन्छ ।
उनीहरु भारतको उत्तरप्रदेशस्थित प्रयागराजमा जारी महाकुम्भमा स्नान गरी फर्किने क्रममा सवारी दुर्घटनामा परेका हुन् ।
भारतीय सञ्चारमाध्यमका अनुसार उत्तर प्रदेशको बासगाउँ थाना क्षेत्रअन्तर्गत गोरखपुर लिंक रोडमा दुर्घटना भएको हो ।
मृतकको शव पोष्टमार्टमका लागि जिल्ला अस्पतालमा राखिएको बताइन्छ ।
