पोखरा ।
पोखरा१०, रामबजारस्थित ज्योतिकुञ्ज बोर्डिङ स्कुलका २ विद्यार्थीले माध्यमिक शिक्षा परीक्षा (एसइई) २०८२ मा ४ जिपिए ल्याएका छन् । विद्यालयका सक्षम गुरुङ र समीर बुढाले राष्ट्रिय स्तरमै दुर्लभ मानिने ४.० जिपिए प्राप्त गर्न सफल भएका हुन् । उनीहरूको यस उल्लेखनीय उपलब्धिले विद्यालय परिवारसँगै अभिभावक तथा सम्पूर्ण शैक्षिक समुदायमा खुसीको वातावरण सिर्जना गरेको छ ।
विद्यालयका निर्देशक बालाकृष्ण शर्माले विद्यार्थीहरूको सफलता प्रति खुसी व्यक्त गर्दै मेहनत, अनुशासन र निरन्तर अभ्यासकै परिणामस्वरूप यस्तो उपलब्धि सम्भव भएको बताए । उनले आगामी दिनमा पनि विद्यार्थीहरूलाई गुणस्तरीय शिक्षा प्रदान गर्दै उत्कृष्ट नतिजा हासिल गराउने प्रतिबद्धता व्यक्त गरे ।
निर्देशक शर्माले सफल विद्यार्थीहरू, शिक्षक, अभिभावक तथा सम्पूर्ण विद्यालय परिवारलाई बधाई तथा शुभकामना व्यक्त गर्दै भविष्यमा अझ उच्च सफलता हासिल गर्न प्रेरणा मिलोस् भन्ने शुभेच्छा समेत व्यक्त गरेका छन् ।
