पोखरा ।
निजी तथा आवासीय विद्यालयहरूको क्लस्टर संस्था एपेक्स कास्कीको वार्षिक खेलकुद कार्यक्रम शनिबार सकिएको छ । शुक्रबार सुरु प्रतियोगितामा १४ विद्यालय सहभागी थिए । २०७५ सालमा स्थापना भएको एपेक्स कास्कीले अहिलेसम्म ६ वटा स्पोट्र्स मिट गरिसकेको छ ।
प्रतियोगिताकमा भलिबल छात्रतर्फ वेस्ट प्वोइन्ट चिल्ड्रेन एकेडेमी प्रथम, भास्कर मेमोरियल स्कुल द्वितीय र रेन्बो एकेडेमिक होम्स तृतीय भए । छात्रातर्फ सबलाइम सेकेन्डरी स्कुल प्रथम, केफ सेकेन्डरी स्कुल द्वितीय र भास्कर मेमोरियल स्कुल तृतीय भए । छात्रातर्फ सबलाइमकी रोशनी गुरुङ सर्वाेत्कृष्ट खेलाडी घोषित भइन् ।
बास्केटबलको छात्रतर्फ रेन्बो एकेडेमिक होम्स प्रथम, धौलागिरि सेकेन्डरी स्कुल द्वितीय र भास्कर मेमोरियल स्कुल तृतीय भए । रेन्बोका समीप थापा सर्वाेत्कृष्ट खेलाडी चुनिए । छात्रातर्फ भास्कर प्रथम, ताराकुञ्ज सेकेन्डरी स्कुल द्वितीय र सबलाइम तृतीय भए । भास्कर मेमोरियल स्कुल र मेरिगोल्ड सेकेन्डरी स्कुलमा प्रतियोगिता भएको थियो । समापन भास्कर मेमोरियल स्कुलमा भएको हो । खेलकुदले विद्यार्थीको अनुशासन, सहकार्य र चौतर्फी विकासमा सघाउने आयोजकको दाबी छ ।
गोविन्द गौतमको संयोकत्वमा भएको कार्यक्रममा अध्यक्षता बाबुराम बरालले गरे । पुरस्कार वितरण प्याप्सन कास्कीका वरिष्ठ उपाध्यक्ष विष्णु तिमिल्सिना, बाबुराम बराल र सचिव डिल्लाराम अधिकारीसहित १४ विद्यालयका प्रिन्सिपलले गरेका थिए । लक्ष्मण पोखरेलले कमेन्ट्री गरेको कार्यक्रममा मोहनलाल पौडेलले स्वस्तिवाचनबाट सुरु भएको थियो ।






