दाङमा श्रीमतीको हत्या गरी फरार भएका नेपाली सेनाका जवानलाई इलाका प्रहरी कार्यालय तुलसीपुरले पक्राउ गरेका छ।
गत शनिबार बिहान ८ बजे दाङको तुलसीपुर उपमहानगरपालिका–६ स्थित आफ्नो कोठामै श्रीमतीको हत्या गरी सेनाका जवान ३६ वर्षीय शालिकराम बुढाथोकी फरार भएका थिए।
उनलाई तुलसीपुरबाटै पक्राउ गरिएको इलाका प्रहरी कार्यालय तुलसीपुरले जनाएको छ। उनले खुकुरी प्रहार गरी आफ्नी श्रीमती २७ वर्षीया टीका बुढाथोकीको हत्या गरेका थिए।
प्रहरीका अनुसार बुढाथोकीले श्रीमतीको हत्या गरेको स्वीकार गरिसकेका छन्।
घटनाबारे थप अनुसन्धान भइरहेको प्रहरीले जनाएको छ।
