बिहीवार दक्षिण कोरियाको दक्षिणी तटमा माछा मार्ने डुङ्गा डुब्दा तीन नाविकको मृत्यु भएको पुष्टि भएको छ । साथै एक जना बेपत्ता भएका छन् । चार दक्षिण कोरियाली, छ इण्डोनेसियाली र एक भियतनामीसहित ११ जना चालक दलका सदस्यसहितको १३९ टनको ट्रालर राजधानी सियोलबाट करिव ३३० किलोमिटर दक्षिणमा रहेको टोंगयोङ टापुको पानीमा डुबेको थियो । स्थानीय समय अनुसार बिहान ४ः१५ बजे कोस्ट गार्डलाई एक संकट कल पठाइएको थियो ।
दश जना चालक दलका सदस्यहरूलाई तटरक्षक र नजिकैको डुङ्गाहरूले उद्धार गरेका थिए । एक दक्षिण कोरियाली नाविक बेपत्ता छन् । १६ गस्ती डुङ्गा, दुई नौसेनाका जहाज र तीन वटा विमान परिचालन गरी खोजी कार्य जारी रहेको छ ।
